Мюнхеннинг «Бавария» клуби яқин вақт ичида клубини ўзгартириши мумкин бўлган ярим ҳимоячи Йозуа Киммихга ўринбосар қидиришни бошлади.
Todofichajes журналистларининг ёзишича, немис гранди бор эътиборини Англия премьер-лигасига қаратган.
Бундеслига чемпионининг қизиқишлари орасида «Манчестер Сити» ва Англия терма жамоасининг таянч ярим ҳимоячиси Келвин Филлипс бор.
Мюнхенликлар ярим ҳимоячи учун «Ливерпуль» ва Туриннинг «Ювентус» клублари билан рақобатлаша олади.
Келвиннинг «шаҳарликлар» билан амалдаги меҳнат шартномаси 2028 йилнинг ёзига қадар тузилган. Ярим ҳимоячининг трансфер қиймати 28 миллион еврога баҳоланмоқда.
