Лондоннинг "Челси" клуби ҳужумчи Ромелу Лукакунинг агентлари билан бельгиялик футболчини 40 миллион евро эвазига қўйиб юборишга келишиб олди. Бу ҳақда италиялик журналист Фабрицио Романо ўзининг ижтимоий тармоқларида айтиб ўтди.
Эслатиб ўтамиз, Лукаку жорий мавсумни "Рома"да ижара асосида ўтказмоқда. Римликлар мавсум охирида ҳужумчини 40 миллион еврога сотиб олиш имкониятига эга бўлади, аммо бу амалга ошмаса, "кўклар" бошқа харидорларни қидиради.
Лукаку Италия А Сериясида 10 та учрашувда 6 та гол урди. Ёзда бельгиялик футболчининг "Интер" ва Туриннинг "Ювентус" клубларига ўтиш имкониятлари барбод бўлди.
