"Барселона" бош мураббийи Хави Эрнандес тиззасидаги жароҳати сабабли мавсумнинг қолган қисмини ўтказиб юбориши мумкин бўлган ярим ҳимоячи Гави ўрнига номзодлар рўйхатини тузди.
Журналист Жерар Ромеронинг ёзишича, мураббийнинг қисқа рўйхатидан "Вильярреал" футболчиси Дани Парехо, "Ливерпуль" ярим ҳимоячиси Тьяго Алькантара ва "Бетис" аъзоси Гвидо Родригес каби футболчилар бор.
Шу билан бирга, "Барселона" раҳбарияти жамоа ҳозирда рўйхатда бўлган футболчилар билан мавсум охиригача бардош бера олади, деб ҳисобламоқда. Эслатиб ўтамиз, "кўк-анорранглилар" Ла Лига турнир жадвалида 3-ўринда бормоқда.
