Ўзбекистон миллий терма жамоаси ҳужумчиси ва сардори Элдор Шомуродов Эронга қарши ўйиндан (2:2) сўнг микст-зонада журналистларга интервью берди.
"Икки хил тайм бўлди. Иккинчи таймда натижани ўзгартиришга ҳаракат қилдик, энг асосийси ёмон ўтган 1-бўлимдан сўнг ҳеч ким таслим бўлмади. Йигитлар унчалик хурсанд эмас, чунки ҳамма ғалаба истаганди. 1 очко ҳам ёмон эмас, ёмон ўйин кўрсатмадик. Мураббийнинг ушбу натижалардаги ўрни юқори, ажойиб жамоамиз бор. Барчамиз охиригача курашишга келишиб олганмиз, буни фақат гапда эмас майдонда ҳам кўрсатишга ҳаракат қиляпмиз. Ҳеч ким биринчи бўлимдан сўнг мағлуб бўлишимизга ишонмади, ҳамма ғалаба кутганди, афсус озгина вақт етишмади. Биринчи навбатда жамоавий ўйин муҳим, жамоа ғалаба қозонса, ким гол уриши ёки пас беришининг қизиғи йўқ. Азмун билан ҳеч қандай зиддият бўлгани йўқ. Эрон ютаётган вақтида провакация билан вақтни чўзишга ҳаракат қилди, аммо биз асосийси уларга эътибор бермасдан ўз ўйинимизни кўрсатдик", - деди Шомуродов.
