Яқин келажакда Луис Диас "Ливерпуль"ни "Барселона"га ўзгартириши мумкин. Англия Премьер-лигаси гранди аллақачон колумбиялик футболчига ўринбосар изламоқда. Todofichajes хабарига кўра, мерсисайдликлар "Ювентус"дан Федерико Кьезани сотиб олишлари мумкин.
Қайд этилишича, 26 ёшли Кьезанинг маоши Душан Влахович даражасига кўтарилмаса, "Ювентус" билан шартномасини узайтирмоқчи эмас. Вазиятдан келиб чиққан ҳолда, Турин клуби Кьезани 2025 йилнинг ўрталарида текинга йўқотмаслик учун уни шу ёзда сотиши мантиқий қарор бўлиши мумкин.
Федерико Кьезанинг "Ювентус"дан "Ливерпуль"га ўтиши 50 миллион еврога тушиши мумкин.
