Франкфуртнинг "Айнтрахт" клуби "Брайтон" ярим ҳимоячиси Паскал Гроссга кўз тикмоқда. Журналист Флориан Плеттенберг хабарига кўра, "бургутлар" 32 ёшли германиялик футболчини келаси ёзда ўз сафига қўшиб олмоқчи.
Манбанинг қўшимча қилишича, келишув ҳали ҳам даргумон кўринади, чунки "Айнтрахт" футболчининг маоши ва керакли трансфер суммаси билан чалкашиб кетган. Келгуси ёзда Гросснинг "Брайтон" билан шартномаси тугашига бир йил вақт қолади, бироқ "Айнтрахт"ни чегирмани ҳисобга олган ҳолда "чайқалар" сўраган товон пули ҳам қаноатлантирмаяпти.
Гросс Англия Премьер-лигасининг жорий мавсумида бир гол ва иккита голли узатмани амалга оширди. Transfermarkt футболчини 8 миллион еврога баҳоламоқда.
