"Челси" "Наполи" ярим ҳимоячиси Хвича Кварацхелияга қизиқиш билдираётган клублар рўйхатига қўшилди. Бу ҳақда ESPN ўз манбаларига таяниб хабар берди.
Қайд этилишича, 22 ёшли Кварацхелиянинг трансфери "Челси"нинг катта салоҳиятга эга ёш футболчиларни топиш стратегиясига мос келади. Бироқ, лондонликлар учун бундай трансферни амалга ошириш қийин бўлади, шу жумладан молиявий сабабларга кўра - "Наполи" футболчини 100 миллион евродан кўпроққа баҳолайди.
2023/2024 йилги мавсумда Хвича Кварацхелия “Наполи” сафида 15 та ўйин ўтказиб, 3 та гол урди ва шерикларига 5 та голли узатма берди.
