"ПСЖ" клуби ярим ҳимоячилар Фабиан Руис ва Карлос Солер билан хайрлашмоқчи эмас.
Кеча пайдо бўлган маълумотларга кўра, иккала испаниялик ҳам "Барселона"да жароҳат олган Гавининг ўрнига потенциал футболчи сифатида кўрилмоқда. Sport хабарига кўра, Луис Энрике ярим ҳимоячиларнинг кетишини маъқулламайди - улар мавсум давомида муҳим ҳисса қўшишлари мумкинлигига ишонмоқда. "ПСЖ" футболчиларни ҳатто ижарага ҳам қўйиб юбормаслиги кутилмоқда.
Transfermarkt портали Фабиан Руиснинг трансфер қийматини 30 миллион еврога, Карлос Солерники эса 20 миллионга баҳоламоқда. Иккала футболчи ҳам парижликлар сафига 2022 йилда келиб қўшилган.
