"Барселона" январь ойида ҳужумчи Витор Рокени рўйхатдан ўтказиши мумкин бўлади.

"Атлетико Паранаэнсе"нинг 18 ёшли футболчиси Каталония клубига 2024 йилда қўшилади, аммо бу январда ёки ёзда содир бўлиши мумкин. "Барселона" узоқ вақтдан бери бразилиялик футболчини қишда рўйхатдан ўтказишни мақсад қилиб қўйган, шунда у тезда янги шароитларга кўникишни бошлайди. RAC1нинг янгиланган маълумотларига кўра, энди “кўк-анорранглилар” раҳбарияти ўз режаларини амалга ошириши мумкин бўлади: мавсум охиригача сафдан чиққан Гавининг жароҳати клубга янги келган футболчини рўйхатдан ўтказиш ва молиявий фейр-плейга амал қилиш имконини беради.

Эслатиб ўтамиз, Витор Рокенинг "Барселона"га ўтиш нархи 40 миллион еврога баҳоланмоқда.