Мадриднинг "Реал" клуби ярим ҳимоячиси Жуд Беллингем Испания чемпионати доирасида "Кадис"га қарши ўйинда майдонга тушиши режалаштирилган. Бу ҳақда El Chiringuito TV телеканали хабар берди. Қайд этилишича, пайшанба куни Беллингем умумий гуруҳда тўлиқ машғулот ўтказган.
Эслатиб ўтамиз, Беллингем елкасидан олган жароҳати туфайли "Реал"нинг сўнгги бир неча ўйинларини ўтказиб юборган эди. Қолаверса, ярим ҳимоячи Англия терма жамоасининг ноябрь ойидаги ўйинларида ҳам майдонга тушмади.
Мадриднинг "Реал" клуби 26 ноябрь, якшанба куни Ла Лига доирасида сафарда "Кадис"га қарши баҳс олиб боради.
"Реал Мадрид" айни дамда Испания чемпионати турнир жадвалида иккинчи ўринда бормоқда.
