Суперлиганинг 25-туридан ўрин олган "Насаф" – "Сўғдиёна" (0:0) учрашувидан сўнг меҳмонлар бош мураббийи Иван Бошкович ўз фикрларини билдириб ўтди.

“Ушбу учрашувга тайёргарлик учун вақт етарли эди ва жиддий ҳозирлик кўрдик. Бу ерда ўйнаш осон эмас. Беллашув олдидан келгуси тақдиримиз назарий жиҳатдан ҳали аниқ эмас эди. Шу боис, очко зарур эди. Биринчи бўлимда тенг курашлар бўлди. Иккинчи таймда эса мезбонлар босимни оширди ва натижа учун ҳаракат қилдик. Қўлга киритилган очко билан йигитларни табриклайман.

Ўйлашимча, "Насаф" олдига қўйилган вазифани уддалади. Жамоа келгуси мавсум ҳам халқаро майдонда иштирок этади. Ҳар мавсум қаршиликларга чемпионлик учун бироз етмай қолади. Биласиз, мен ҳам ушбу жамоага бефарқ эмасман. Футболчилар атайлаб майдонга ётиб олди, демаган бўлардим. Шунчаки, босим юқори эди ва курашлар кўп бўлди.

"Сўғдиёна" бу мавсум кучсиз ўйнади, деб ўйламайман. Мен жамоам кўрсатаёган футболдан қониқиш ҳосил қиляпман. Иккинчи даврада яхши ҳаракат қилдик ва очколарга эга чиқдик. Биз доим рақобатбардош футбол ўйнашга интиламиз. Мағлуб бўлган беллашувларимизда ҳам индивидуал хатолар сабаб енгилдик. Ўйлашимча, биз тўғри йўлдамиз. Кўплаб ёш футболчиларга имконият бердик ва улар етарлича тажриба тўплашди. Келгуси мавсум учун пойдеворимиз мавжуд”, – деди Бошкович.