"Милан" "Фиорентина"га қарши ўйин учун 15 ёшли Франческо Камардани рўйхатдан ўтказиши мумкин.

Milan Live нашри хабарига кўра, "Милан" академияси тарбияланувчиси сўнгги бир неча кун давомида асосий жамоа билан машғулот ўтказмоқда. Дастлаб Пиоли ёш форвардни навбатдаги ўйинда таркибга қўшиш имкониятини кўриб чиқмаган, бироқ Ноа Окафоранинг жароҳати “россонерилар” бош мураббийининг режаларини ўзгартириши мумкин.

Milan News нашри хабарига кўра, Окафора Швейцария терма жамоасининг Евро-2024 саралаши доирасидаги ўйинида тиззасидан жароҳат олган. Унинг шанба куни бўлиб ўтадиган "Фиорентина"га қарши ўйиндаги иштироки бекор қилинди.

Бундан ташқари, Рафаэль Леау жароҳат олган, Жиру эса "Лечче" билан ўйинда (2:2) олинган икки ўйинга дисквалификация туфайли ўйинни ўтказиб юборади.