"Милан"нинг собиқ ҳимоячиси Паоло Мальдини отаси Чезаре изидан бориб, мураббий бўлиш ниятида эмаслигини айтди. У буни ҳеч қачон қилмаслигига ишончи комил.
"Мен бу маънода отамнинг изидан бормайман, буни қилишни хоҳламайман. Отам Италия терма жамоаси, “Парма”, “Фоджия” жамоаларига устозлик қилган, аммо мен бундай қилмайман. Шу билан бирга, касбни ҳурмат қиламан, Арриго Сакки ва Карло Анчелотти каби ажойиб устозларим бор эди. Мураббий учун жамоани бошқара олиш жуда муҳим", - дея Мальдинининг сўзларини келтиради pianetamilan.it.
Паоло Мальдини 1985 йилдан 2009 йилгача "Милан"да ўйнаган.
