Мадриднинг “Реал” клуби Мауро Икардига қизиқиш билдирмоқда.

TMW хабарига кўра, Мадриднинг "Реал" клуби бицепс мушаклари йиртилгани сабабли 2,5 ойни ўтказиб юборадиган Винисиус Жуниор жароҳатидан сўнг трансфер бозорига кириб бормоқда.

Мадридликлар бир нечта номзодларни баҳоламоқда, улардан бири ёзда "ПСЖ"дан "Галатасарой"га ўтган Мауро Икарди.

Воситачи турк клубига Икарди борасида сўров билан чиққан. Шундан сўнг "Реал" вазиятга баҳо беради ва томонлар ўртасида музокаралар бошланиши мумкин.

Эҳтимол, 30 ёшли аргентиналик футболчини сотиб олиш имконияти билан ижарага олиш ҳақида музокаралар бўлиши мумкин.

Мауро жорий мавсумда клуб сафида 20 та ўйинда майдонга тушиб, 15 та гол урди.