"Барселона" бош мураббийи Хави Эрнандес Роберт Левандовски ва Ламин Ямал билан боғлиқ воқеага изоҳ берди.
35 ёшли польяк "Алавес"га қарши ўйинда 16 ёшли жамоадоши билан жанжаллашиб қолган. Кейинроқ иккала футболчи ҳам бу вазиятда жиддий ҳеч нарса кўрмаганликларини айтишди.
“Ўйлайманки, улар ўртасида содир бўлган воқеани нормал деб ҳисоблаш мумкин - мен билан ҳам худди шундай воқеалар содир бўлган. Мен футболчи бўлганимда Пуйоль, Вальдес, Вилья, Лео (Месси) билан баҳслашардим. Буни газета архивларини ўрганиш орқали текширишингиз мумкин.
Бу иш пайтида ҳамма жойда содир бўлади, биз бунга унчалик аҳамият бермаймиз. Роберт ҳамиша жамоадошларига ёрдам берадиганлардан бири. У Ламиннинг ажойиб футболчи бўлишига ёрдам беришга қарор қилди", - дея Хави сўзларини келтиради журналист Альфредо Педулла.
