"Манчестер Сити" футболчиси Бернарду Силва бўлажак ўйиндаги рақиби "Ливерпуль" ҳақида ўз фикрлари билан ўртоқлашди.

Пеп Гвардиола ва Юрген Клопп жамоалари ўртасидаги учрашув шанба куни "шаҳарликлар" майдонида бўлиб ўтади.

"Ливерпуль" қандай ўйнашни истаётганини аниқ биладиган жамоа ва мураббий у ерда жуда узоқ вақтдан бери ишлайди, шунинг учун ҳамма бир йўналишда ўйлайди. Қоида тариқасида, бундай шароитда муваффақиятга эришиш осонроқ.

Стадионимиздаги муҳит ақл бовар қилмайдиган даражада ва биз "Ливерпуль"га қарши бўлажак ўйинда буни яна бошдан кечириш учун ҳамма нарсани қиламиз. Биз жуда кучли рақибга қарши турамиз ва бу бизга туртки бериши керак”, - деди Силва.