"Манчестер Сити" бош мураббийи Пеп Гвардиола "Эвертон"га қўйилган жазо билан боғлиқ саволга жавоб берди.
Аввалроқ “Эвертон” молиявий қоидаларни бузгани учун АПЛда 10 очкодан маҳрум қилинганди. "Манчестер Сити" ҳам фэйр-плей қоидаларини бузганлик учун жазоланиши мумкин, ҳатто "Эвертон"дан ҳам қаттиқроқ.
"Биз кутамиз ва кейин оқибатларини қабул қиламиз. Нега мен "Манчестер Сити"нинг айбсизлигига ишонишни тўхтатишим керак? Мен позициямни ўзгартирмадим.
“Эвертон” ҳақида ҳеч нарса демайман. У ерда нима содир бўлганини батафсил билмайман. Бу икки бутунлай бошқа нарса. Биламан, баъзилар "Манчестер Сити"ни пастга туширишни хоҳлашади. Лекин кутамиз.
Агар биз айбдор бўлсак, биз жазоланамиз. Бу аниқ. Нима бўлишидан қатъий назар, мен шу ерда қоламан, аммо "Эвертон" масаласи ҳақида ҳеч нарса билмайман. Бироқ, такрор айтаман, бу бутунлай бошқача ҳолат”, - деди Пеп.
