"Эвертон"нинг 21 ёшли марказий ҳимоячиси Жаррад Брэнтуэйтга "Манчестер Юнайтед" қизиқиш билдирмоқда.
ТeamTALK нашри маълумотларига кўра, Брэнтуэйт "!манкунианликлар" учун 1-рақамли трансфер мақсади ҳисобланади. Шу билан бирга, "қизил иблислар" раҳбарияти "Эвертон" ўз футболчисини қишда қўйиб юбормаслигини тушунади, шунинг учун уни келаси ёзда сотиб олишни кутишмоқда.
Эътиборли томони шундаки, "Манчестер Юнайтед" жиддий тозалашни режалаштирмоқда. Бу марказий ҳимоячи позициясига ҳам таъсир қилади - хусусан, Рафаэль Варан асосий таркибга тушмай, жамоани тарк этади, Виктор Линделёф ва Жонни Эванснинг шартномалари узайтирилмайди.
Эслатиб ўтамиз, Брэнтуэйт Нидерландиянинг ПСВ клубида ижара асосида ўйнаб, ёзда "Эвертон"га қайтган эди. Жорий мавсумда у барча мусобақаларда "Эвертон" сафида 12 та ўйин ўтказди.
