"Бавария" ҳужумчиси Харри Кейн Бундеслиганинг 12-тури доирасидаги "Кёльн" устидан қозонилган ғалаба (1:0) ҳақида гапирди.
30 ёшли инглиз футболчиси мюнхенликларнинг ягона голини 20-дақиқада киритди.
“Бу ҳақиқатан ҳам яхши ўйин бўлди. Биринчи бўлимда кўпроқ гол уришимиз керак эди. Иккинчи бўлимда ўйинни назорат қилдик. Бу халқаро танаффусдан кейинги муҳим ғалаба. Натижа энг муҳими. Баъзилар бироз кўпроқ гол кутган бўлса керак, аммо "Кёльн" яхши ҳимояланди, биз ҳам шундай қилдик", - дея Кейн сўзларини келтирмоқда "Бавария" расмий сайти.
Кейн жорий мавсумда Бундеслиганинг 12 та учрашувида 18 та гол урди.