Юрген Клопп «Манчестер Сити»ни мағлуб эта олмаганидан хафа бўлмади.

«Бу яхши нуқта эди. Бу ерда ўйнаш осон эмас, улар уй учрашувларида жуда кўп ғалаба қозонишлари бежиз эмас. Айниқса, бундай шароитда ўйинга тайёргарлик кўриш учун кўпроқ вақт керак бўлади.

Агар бугун яхши ўйнаганимизда ғалаба қозонишимиз мумкин эди. Лекин биз бундай ўйнамадик.

Биринчи бўлимда уларга муаммо туғдирдик, аммо яхши имкониятларимиз унчалик кўп бўлмади. Иккинчи бўлимда кўпроқ ишлашимиз керак эди. Биз тартибни бироз ўзгартирдик.

Афсуски, биз Жотани йўқотдик. Келинг, Алиссон билан нима содир бўлишини кўриб чиқайлик.

Бизда яхши вазиятлар бор эди. Уларнинг сони кўп бўлишини истардим. Биз ўз позициямиздан келиб чиқиб, бу натижани муваффақият сифатида қабул қилса бўлади.

Менда шикоят қиладиган ҳеч нарса йўқ», деди «Ливерпуль» бош мураббийи дурангдан сўнг (1:1).