"Арсенал" бош мураббийи Микель Артета "канонирлар" ярим ҳимоячиси Кай Хавертцнинг АПЛ 13-тури доирасидаги "Брентфорд"га қарши ўйиндаги (1:0) ҳаракатлари ҳақида гапирди.
24 ёшли германиялик футболчи иккинчи бўлимда захирадан майдонга тушди ва 88-дақиқада ғалаба голини киритди.
“Мен ундан хурсанд бўлмаган одамни билмайман. У бунга мутлақо лойиқ эди. У ажойиб футболчи. У биз учун ўйинда ғалаба қозонди", - дея Артета сўзларини келтиради BBC.
Хаверц ёзги трансфер ойнасида "Челси"дан "Арсенал"га ўтди. Жорий мавсумда у жамоа сафида барча турнирларда 20 та ўйин ўтказиб, 2 та гол урди ва битта голли узатмани амалга оширди.
