Италиянинг Corriere dello Sport нашри журналисти Массимилиано Мартини А Серия тарихидаги россиялик футболчилар ҳақида гапирди.
«Бирорта ҳам россиялик футболчи Италияда ўз номини ижобий тарзда қолдира олмади. Қисқа вақт ичида Колйванов ва Шалимов энг зўрлари эди.
Бошқалар ўртача салоҳиятга эга эди ва Миранчукнинг мисоли буни тасдиқлайди. Энг ёмон футболчилар эсда қоладими? Булар Нигматуллин ва Кокориндир.
Александрда «Олтин ўрна» бор, бу соврин А Серияда мавсумдаги энг ёмон трансферга берилади. «Бу «Фиорентина» тарихидаги энг ҳалокатли трансферлардан биридир», - деди италиялик журналист.
