"Реал Мадрид" ҳужумчиси Винисиус 2023 йилнинг энг яхши бразилиялик футболчиси сифатида "Олтин Самба" мукофотини олди.
Овоз йиғишда иккинчи ўрин “Ал-Ҳилол” ҳужумчиси Неймарга насиб этган бўлса, кучли учликни “ПСЖ” ҳимоячиси Маркиньос якунлаб берди.
2021 йилгача "Олтин самба" Европада ўйнаган энг яхши бразилиялик футболчига топширилар эди. Охирги уч йил давомида Неймар бу совринни қўлга киритди.
Жорий мавсумда Винисиус 13 та ўйинда майдонга тушиб, 6 та гол урди ва 4 та голли узатмани амалга оширди. Форвард шунингдек, инсонпарварлик фаолияти учун берилган Сократ кубогини ҳам қўлга киритди.
