Испания терма жамоаси бош мураббийи Луис де ла Фуэнте "Барселона" ярим ҳимоячиси Гавининг жароҳати ҳақида гапирди.
"Барселона" мендан Гавини иккинчи ўйинда майдонга тушмасликни сўрамади. Мен RFEF ҳақида билмайман. Футболчилар биз билан бўлганда, биз фақат терма жамоа ҳақида ўйлаймиз. Бизда Гави иккинчи ўйинда атиги 45 дақиқа майдонга тушиши ҳақида ўйлагандик, бироқ Хесус Навас жароҳат олди. Биз ўйинчиларнинг соғлиғини биринчи ўринга қўйдик. Барча футболчилар иккинчи ўйинда майдонга тушишни хоҳлашди, Гави эса бундан ҳам кўпроқ. У жуда фаол. У биринчи ўйинни, иккинчисида 45 дақиқани ўйнаши керак эди. Агар унинг жароҳати борлигини кўрсак, уни алмаштирардик", - деди Фуэнте AS билан суҳбатда.
19 ёшли Гави 2024-йилги Европа чемпионати саралашида Грузияга қарши ўйинда (3:1) тиззасининг хочсимон боғлами ва ён менискусини жароҳатлаб олди ва мавсумнинг қолган қисмида сафдан чиққан эди.
Жорий мавсумда ярим ҳимоячи 15 та ўйин ўтказиб, 2 та гол урди ва битта голли узатмани амалга оширди.