Мадриднинг “Атлетико” клубида ўйнаётган қанот ҳимоячиси Сезар Аспиликуэта Чемпионлар лигаси гуруҳ босқичининг 5-турида Роттердамнинг “Фейеноорд” клубига қарши бўлиб ўтадиган ўйин ҳақида гапирди.
"Ушбу ўйин аҳамиятига кўра плей-офф босқичига қиёсланади. Агар ғалаба қозонсак, Чемпионлар лигасининг кейинги босқичига йўл оламиз. Жамоа ниҳоятда қатъий ва бу имкониятни қўлдан бой беришни истамайди. Биз албатта очко олишимиз керак. Мақсадимиз шу", - деди ҳимоячи Marca билан суҳбатда.
"Фейеноорд"нинг "Атлетико Мадрид"га қарши ўйини 29 ноябрь куни Нидерландияда бўлиб ўтади. Ўйин Тошкент вақти билан соат 01:00да бошланади.
