"Боруссия" (Дортмунд) ҳимоячиси Матс Хуммельс Чемпионлар лигаси гуруҳ босқичи 5-тури доирасидаги "Милан" устидан қозонилган ғалаба (3:1) ҳақида фикр билдирди.

“Ўйлашимча, биз жуда яхши ўйин ўтказдик, лекин биринчи бўлимда ҳужумда унчалик яхши бўлмаганмиз. Грегор бошиданоқ пенальтидан тўпни қайтарди. Ўшанда тўпга эгалик қилган ҳолда стадионни ўз қўлига олишга муваффақ бўлдик. Бу ҳақли ғалаба эди.

Жамоа менталитети? Ўтган йили бизни менталитетимиз учун ҳақли равишда танқид қилишди. Лекин, менимча, бу мавсумда катта иш қилишимиз шарт эмас. Ҳозир биз майдонда бирга ишлашга тайёр жамоамиз", - деди Хуммельс Kicker билан суҳбатда.

Бешинчи турдан сўнг Дортмундликлар “F” гуруҳида 10 очко билан “ПСЖ” (7 очко), “Ньюкасл” (5 очко) ва “Милан” (5 очко) жамоаларини ортда қолдириб, биринчи ўринни эгаллаб турибди.

Терзич шогирдлари гуруҳ босқичининг сўнгги ўйинини “ПСЖ”га қарши ўтказади. Учрашув 13 декабрь куни "Сигнал Идуна Парк"да бўлиб ўтади.