ФИФА трнсфер бозорида футбол агентларининг таъсирини камайтириш мақсадида, Футболчиларни Глобал Алмаштириш тизимини жорий этмоқчи.
Агентларга қарши ҳаракат зарурлигини ФИФА 2012 йил сарҳисоби бўйича тушуниб етган. 2012 йил ҳисобига кўра, улар томонидан 11555та трансфер амалга оширилган бўлиб, футбол клублари уларнинг хизматлари учун, умумий суммадан 28 фоиз миқдорида маблағ тўлаганлар. ФИФА клубларни ушбу харажатлардан холос этиш учун ана шундай тизим яратишга қарор қилган. Бундан бўён клублар футболчилар борасида ўзлари бир-бирлари билан бевосита музокара қилишлари мумкин бўлади.
Ўз ўрнида, футбол агентлари ассоциацияси ҳозирги пайтда ўз сафида 340 та аъзони бирлаштирган бўлиб, бу янгиликка қарши чиқишди. ФАА Президенти Мел Стейн бу борада қаршилик билдириб, ўз фикрларини гапириб ўтди.
«Футбол агентлари хизматидан воз кечиш — бу умуман ўйламай қилинган ҳаракатдир. Агентлар бевосита футболчилар билан мулоқатда бўлиб, улар бу соҳа бозорини ҳам яхши ўзлаштиришган. Ўйлайманки ФИФА бу қарорини амалга ошира олмайди. Биз ўзимизни фаолиятимизни сақлаб қолиш учун албатта курашамиз», дейди мутахассис.