Испаниялик дарвозабон, ҳозирда эркин агент бўлиб турган Давид де Хеа Англия премьер-лигасига қайтиши мумкин.
Todofichajes портали журналистларига маълум бўлишича, Лондоннинг "Тоттенхэм" клуби 33 ёшли футболчини ўз сафига қўшиб олмоқчи ва дарвозабонлар чизиғида мустаҳкамловчиларни қидирмоқда. "Шпорлар"ни қизиқтирадиган нарса шундаки, Де Хеа билан текинга шартнома имзолаш мумкин. Келишув январ ойидаги трансфер ойнасида якунланиши мумкин.
Эслатиб ўтамиз, Давид Англия чемпионатида узоқ вақт ўйнаган. Испаниялик дарвозабон 2011 йилдан 2023 йилгача "Манчестер Юнайтед" дарвозасини ҳимоя қилган.













