"Манчестер Юнайтед" келаси ёзда икки футболчи билан хайрлашиши мумкин. Гап марказий ҳимоячи Рафаэль Варан ва ярим ҳимоячи Мейсон Маунт ҳақида кетмоқда. Маунт июль ойида Лондоннинг "Челси" клубидан 65 миллион евро эвазига жамоага келиб қўшилган.
The Guardian нашри хабарига кўра, "Манчестер Юнайтед" раҳбарияти Маунт ва Вараннинг юқори даражага қайтишига шубҳа билан қарамоқда. Клуб кейинги мавсумга тўлиқ шаклланган таркиб билан яқинлашмоқчи, шунинг учун "манкунианликлар" Маунт ва Вараннинг ўрнига футболчи топиш ҳақида ўйламоқда.
"Манчестер Юнайтед" айни дамда АПЛда олтинчи ўринни эгаллаб турибди.
