"Наполи" ҳужумчиси Виктор Осимҳен Чемпионлар лигаси доирасида "Реал" билан ўйинни асосий таркибда бошлай олмайди. Журналист Жанлука Ди Марцио хабарига кўра, Жованни Симеоне асосий таркибда ўйинни бошлайди.
Эслатиб ўтамиз, Осимхен ўтган дам олиш кунларидаги жароҳатидан сўнг майдонга қайтганди, шу туфайли у аввалроқ Италия А Сериясининг 4 турини ўтказиб юборганди. Шанба куни нигериялик футболчи “Аталанта”га қарши 26 дақиқа ўйнади ва шу вақт ичида у голли узатмани амалга оширишга муваффақ бўлди.
Осимхен жорий мавсум Италия чемпионатида 6 та гол урди ва 9 та ўйинда майдонга тушди. Ўтган мавсумда нигериялик футболчи 26 та гол билан А Сериянинг энг яхши тўпурари бўлган эди.
