"Бавария" ҳимоячиси Маттейс де Лигт тиззасидан олган жароҳатидан сўнг индивидуал машғулотларга қайтди.
Бу ҳақда Мюнхен клуби расмий сайти хабар бермоқда.
Де Лигт қачон умумий гуруҳга қайтиши мумкинлиги аниқланмаган.
24 ёшли нидерландиялик футболчи Германия кубоги 1/16 финалида “Саарбрюкен”га қарши ўйинда жароҳат олганди. Унга тиззанинг медиал лигаментининг қисман ёрилиши ташхиси қўйилган.
Аввалига шифокорлар Маттейснинг тикланиши учун 4-6 ҳафта керак бўлишини башорат қилишган бўлса, кейинроқ энг ёмон сценарийда бу 8 ҳафта вақт олиши ҳақида миш-мишлар тарқалди.