Етакчи лигаларнинг тўртта клуби Чемпионлар лигаси гуруҳларида аутсайдерга айланди.

Сўнгги тур олдидан “Манчестер Юнайтед” 4 очко билан “А” гуруҳида 4-ўринни эгаллаб турибди. “Бавария” 13, “Копенгаген” ва “Галатасарой” эса 5 очко жамғарган.

“Севилья” 2 очко билан “B” гуруҳида 4-ўринда бормоқда. "Арсенал" 12 очко, ПСВ - 8, "Ланс" - 5 очко тўплади.

"Унион" 2 очко билан "C" гуруҳида 4-поғонада қолмоқда. “Реал” 15 очко, “Наполи” 7, “Брага” 4 очко жамғарган.

"Милан" 5 очко билан F гуруҳида 4-ўринда бормоқда. Дортмунднинг "Боруссия"си 10 очко, "ПСЖ" 7 очко жамғарган. "Ньюкасл"да 5 очко бор, аммо бу клуб қўшимча кўрсаткичлар бўйича ҳозирда "Милан"дан олдинда.