Миланнинг “Интер” клуби ярим ҳимоячиси Генрих Мхитарян тез орада клуб билан янги шартнома имзолайди.
"Нерадзуррилар" 34 ёшли футболчи билан шартномани узайтириш нияти ҳақида бир неча бор жорий мавсумда хабар қилинган эди. Инсайдер Николо Скира томонидан янгиланган ҳисоботдан олинган маълумотларга кўра, декабрь ойида томонлар 2025 йил ўрталарига қадар амал қиладиган шартнома тузадилар.
Генрих Мхитарян 2022 йилнинг ёзида “Рома”дан эркин агент сифатида “Интер” сафига қўшилган эди. Ярим ҳимоячи Симоне Индзаги жамоаси сафида жорий мавсум 17 та ўйинда майдонга тушиб, 2 та гол ва 4 та голли узатмага муаллифлик қилди.
