"Галатасарой" бош мураббийи Окан Бурук Чемпионлар лигаси гуруҳ босқичи 5-тури доирасида "Манчестер Юнайтед" билан дуранг (3:3) ҳақида фикр билдирди.
"Учрашувда тўпга эгалик қилиш фоизимиз 58ни ташкил этди ва биз кўп маротаба гол уриш жойларида бўлдик. Биз кўпроқ гол уришимиз мумкин эди.
"Манчестер Юнайтед" Премьер-лигадаги энг мустаҳкам ва муваффақиятли жамоалардан бири ва биз уларга қарши иккита ўйинда олтита гол ургандик. Биз ғалаба қозонишимиз мумкин эди, аммо дуранг биз учун ёмон натижа эмас", - деди Бурук УЕФА расмий сайтига.
Беш турдан кейин "Галатасарой" "А" гуруҳида билан беш очко билан учинчи ўринда бормоқда.
Гуруҳ босқичининг сўнгги ўйинида Бурук шогирдлари "Копенгаген"га қарши майдонга тушади. "Паркен" стадионидаги учрашув 12 декабрь куни бўлиб ўтади.
