"Наполи" ҳужумчиси Жованни Симеоне Чемпионлар лигасида "Реал"дан учралган мағлубият (2:4) ҳақида фикр билдирди.
"Ўйлайманки, биз эҳтиёткорлигимизни бироз туширдик ва ишлар унчалик яхши кетмади. Лекин ўйиндан қониқиш ҳосил қилдим: футболчилар буюк жамоага яхши қаршилик кўрсатишди. Бу осон эмас, лекин биз худди шу руҳда ҳаракат қилдик ва шу руҳда давом этамиз. Албатта, буни ғалаба деб аташ мумкин эмас, лекин ижобий нарса бор. Бу яхши уриниш эди. Бизнинг ҳафсаламиз пир бўлди, чунки биз доимо ғалаба қозонишни хоҳлаймиз ва хатоларимиз устида ишлаймиз", - деди Симеоне УЕФА матбуот хизматига.
