"Реал" ярим ҳимоячиси Николас Пас мадридликлар сафида Чемпионлар лигасида урган дебют голи ҳақида гапирди.
Эслатиб ўтамиз, 29 ноябрь, чоршанба куни "қаймоқранглилар" гуруҳ босқичининг 5-тур учрашувида "Наполи"ни (4:2) мағлуб этишди.
"Бундай ўйинда "Реал" учун гол уриш - бу орзу! "Наполи" гол урган пайтда мен нима қилаётганимни билмасдим. Шунчаки тўпга қўлимдан келганича зарба бердим, у дарвозага киргач, бир зум ақлим йўқолди.
"Реал Мадрид" академияси дунёдаги энг зўр бўлмасада, энг яхшиларидан бири. Мен унинг тарбияланувчиси эканимдан жуда ва жуда фахрланаман", — деб пост қолдирди Пас ижтимоий тармоқларда.
