«Манчестер Юнайтед»нинг собиқ дарвозабони Петер Шмейхель «манкунианликлар» дарвозабони Андре Онана ҳақида ўз фикрлари билан ўртоқлашди.
Камерунлик футболчи Чемпионлар лигаси гуруҳ босқичидан ўрин олган Истанбулнинг «Галатасарой» клубига қарши ўйинда бир нечта хатога йўл қўйди.
«Ҳимоячилар яхши ўйин кўрсатишди. Менимча, улар бундан ҳам яхшироқ иш қила олмас эди. Онананинг хатоларига келсак, улар жуда қимматга тушди.
Дарвозабоннинг деярли ҳар бир хатоси голга олиб келди. Бу футболнинг ҳақиқати», - дея афсонавий данияликнинг сўзларини келтиради Metro.
