«Ливерпуль» мавсум бошидан буён 10 та ўйинда ғалаба қозонишди, ҳар бирида камида иккитадан гол фарқи билан рақиблари устидан зафар қучишди. Бунда ички лига ҳам, бошқа турнирлар ҳам ҳисобга олинади.

Англия юқори лигаси иштирокчиларидан фақатгина «Вулверхэмптон» ўз майдонида мавсумнинг исталган босқичида кетма-кет камида 10 марта 2+ тўп фарқи билан ғалаба қозонишга муваффақ бўлганди. «Бўрилар» 1938 йилнинг декабридан 1939 йилнинг апрелигача 12 марта ғалаба қозонган.

«Ливерпуль» навбатдаги ўйинни 3 декабрь куни ўз уйида - чемпионат доирасида «Фулхэм»га қарши ўтказади.