“Атлетико” ҳужумчиси Антуан Гризманн ноябрь ойида Ла Лиганинг энг яхши футболчиси деб топилди.
Франциялик футболчи ноябрь ойида Испания чемпионатининг учта ўйинида иккита гол урди ва битта голли узатмани амалга оширди. "Матрасчилар"нинг 32 ёшли ҳужумчиси саккизинчи марта Ла Лигада ойнинг энг яхши футболчиси унвонига сазовор бўлди - бу билан у 2021 йилда "Барселона"ни тарк этган Лионель Мессининг рекордини такрорлади.
Антуан Гризманн жорий Ла Лига мусобақасида 13 та ўйинда жами 9 та гол урди ва битта голли узатмани амалга оширди. Яқинда "Атлетико" ҳужумчи билан шартномани узайтириш ниятида экани маълум бўлди.
