“Atletiko” hujumchisi Antuan Grizmann noyabr oyida La Liganing eng yaxshi futbolchisi deb topildi.
Fransiyalik futbolchi noyabr oyida Ispaniya chempionatining uchta o‘yinida ikkita gol urdi va bitta golli uzatmani amalga oshirdi. "Matraschilar"ning 32 yoshli hujumchisi sakkizinchi marta La Ligada oyning eng yaxshi futbolchisi unvoniga sazovor bo‘ldi - bu bilan u 2021 yilda "Barselona"ni tark etgan Lionel Messining rekordini takrorladi.
Antuan Grizmann joriy La Liga musobaqasida 13 ta o‘yinda jami 9 ta gol urdi va bitta golli uzatmani amalga oshirdi. Yaqinda "Atletiko" hujumchi bilan shartnomani uzaytirish niyatida ekani ma’lum bo‘ldi.
