"ПСЖ" ярим ҳимоячиси Брэдли Баркола Чемпионлар лигаси гуруҳ босқичида "Ньюкасл" билан ўйиндан сўнг парижликлар президенти Носир Ал-Хелайфидан шахсий тасалли олди. Бу ҳақда журналист Абдулла Булма ижтимоий тармоқларда хабар берди.
Эслатиб ўтамиз, “ПСЖ” сўнгги дақиқаларда “Ньюкасл” билан ўйинда дуранг қайд этишга эришганди. Бироқ, Баркола ўйин давомида гол уриш учун бир қанча яққол имкониятларни қўлдан бой берди, шунинг учун ҳам у мухлислар томонидан танқид қилинди. Президент Ал-Хелайфи французни руҳий томондан кўтариш учун уни қўллаб-қувватлашга қарор қилди.
21 ёшли Баркола ўтган ёзда "Лион"дан "ПСЖ"га ўтган эди. Трансфер суммаси 45 миллион еврони ташкил қилди.
