«Рома» бош мураббийи Жозе Моуриньо Европа лигаси гуруҳ босқичи 5-тури доирасида бўлиб ўтган «Серветт» клуби қарши ўйиндан (1:1) кейин йўқотилган очко учун футболчиларни жазоламаслигини айтиб ўтди.

«Ҳеч ким жазога тортилмайди. Гвардиола ўзига ёқмаган футболчиларни ҳайдаб юбориб, ўрнига бошқа ўйинчини танлаши мумкин. Мен эса бундай қилолмайман. Мен ҳар куни машғулотда футболчиларга кўп юклама бериб, уларнинг имкониятидан максимум фойдаланишга ҳаракат қиламан.

Бизда баъзи ўйинчилар борки, улар масъулиятни ўз зиммасига олишни исташмайди, янада кўпроқ ўйнаш нияти борлигини менга исботлашга уринмайди.

Агар улар менга кўпроқ ўйин амалиётини сўраса, мен уларга: «Кўп ўйин деганда сен нимани назарда тутяпсан? Бошқа ўйинчилар ўлган тақдирда, сен ўйнайсан», деб айтаман. Чунки, жамоани олдинга тортиш керак бўлганда, бу ишни фақат маълум футболчиларгина қилади», — деди Моуриньо.