Лондоннинг "Брентфорд" клуби бош мураббийи Томас Франк Премьер-лиганинг кўплаб топ-клубларига қизиқиш билдираётган ҳужумчи Айван Тонини йўқотишни истамаслигига ишонтирди.
Эслатиб ўтамиз, англиялик футболчи дисквалификация туфайли мавсумнинг биринчи ярмини ўтказиб юборганди. Айван январда майдонга қайтади.
"Январда Тонини йўқотишни хоҳламайман. Умид қиламанки, 1 февраль куни Айван "Брентфорд" футболчиси бўлади. Ҳозир у яхши формада ва аввалгидан ҳам муваффақиятга чанқоқ. Ишончим комилки, у яхши футбол кўрсата олади", - деди Франк матбуот анжуманида.
Аввалроқ Тонига "Тоттенхэм", "Челси" ва "Арсенал" каби клублардан қизиқиш борлиги хабар қилинганди. Айван ўтган мавсумда Премьер-лигада 20 та гол урди.
