Италия терма жамоаси бош мураббийи Лучано Спалетти Евро-2024 қуръа натижаларини сарҳисоб қилди. “Скуадра Адзурра” Испания, Хорватия ва Албания билан бир гуруҳдан жой олди.
"Қуръа яхшироқ бўлиши мумкин эди, лекин ўшанда биз 4-саватчада бўлмаган бўлардик. Бироқ, биз Италия эканлигимизни ҳеч қачон унутмаслигимиз керак. Ҳозир башорат қилиш қийин. Олдинда ҳали кўп ойлар бор. Албания, албатта, яхши ташкил этилган жамоа эканлигини исботлади. Кўп нарса бизнинг формамизга ва турнирга қандай тайёргарлик кўришимизга ва жамоа бўлиб ишлашимизга боғлиқ бўлишини тушунамиз. Хорватия кучли ва тажрибали жамоа. Уларнинг баъзи ўйинчилари ривожланмоқда, баъзилари эса аллақачон энг юқори даражада. Испанияга келсак, футболни яхши кўрадиган ҳар бир киши бундай синовдан завқланиши керак. Улар билан ўйинда биз ўз дарвозамизни ўн киши билан ҳам ҳимоя қилишга мажбур бўладиган пайтлар бўлади, лекин биз ҳар доим ҳужумкор, жозибали футбол ўйнашга интиламиз", - деди Спаллетти RAI Sport билан суҳбатда.
