Дортмунднинг "Боруссия" клуби ҳужумчиси Дониэлл Мален тез орада клубини ўзгартириши мумкин.

24 ёшли футболчи янги таклифларга очиқ – у январда ёки мавсум охирида “асаларилар” сафини тарк этишга тайёр, чунки у Дортмундда унчалик хурсанд эмас, деб ёзади журналист Патрик Бергер. "Боруссия" нидерландиялик футболчи билан хайрлашишга тайёр ва унинг нархини аллақачон белгилаб қўйган - 30-35 миллион евро. Футболчининг агени аллақачон бозордаги вариантларни ўрганмоқда. Манбага кўра, ҳужумчига Англия Премьер-лигасида талаб катта.

Дониэлл Мален жорий мавсумда дортмундликлар сафида 18 та ўйинда майдонга тушиб, 5 та гол ва 2 та голли узатмага муаллифлик қилган. Аввалроқ унга "Ливерпуль", "Манчестер Юнайтед" ва "Бавария" қизиқиш билдираётган эди.