Каталониянинг «Барселона» клуби бош мураббийи Тито Виланова жамоанинг собиқ бош мураббийи Пеп Гвардиоланинг «Бавария»га ўтиши борасида ўз фикрини билдириб ўтди.
«Пепнинг мураббийлик фаолиятида қандай режалари борлигини билмадим. Унга бу борада савол бермаганман, ўзиям бу ҳақда айтмаган. Аммо Гвардиоланинг футболга қайтгани ва Европанинг кучли жамоаларидан бирига бош мураббий этиб тайинланганидан хурсандман. Унда қандай вариантлар бўлганидан хабарим йўқ, аммо Пепнинг хатога йўл қўймаганига ишончим комил. Бу клуб ажойиб инфраструктурага эга», дейди Виланова.