"Манчестер Юнайтед" вингери Антони жорий мавсумдаги ёмон ўйинлари учун баҳона топди. Эслатиб ўтамиз, бразилиялик футболчи Премьер-лиганинг 10та ўйинида бирорта ҳам самарали ҳаракат ўтказа олмаган.
"Премьер-лигада ўйинлар ҳам жисмоний, ҳам руҳий жиҳатдан алоҳида консентрацияни талаб қилади. Шу сабабли мавсумолди тайёргарликни яхши ўтказиш жуда муҳим. Мен буни соғиндим, шунинг учун ҳозир машғулотлар бўйича жамоадошларимга етиб олиш учун вақт билан пойга қиляпман", - деди бразилиялик футболчи.
2022 йилнинг ёзида “Манчестер Юнайтед” Антони учун Амстердамнинг “Аякс” клубига 95 миллион евро тўлаган эди.
