«ПСЖ» «Коринтианс» ярим ҳимоячиси Габриэль Москардони сотиб олишга яқин турибди.

Аввалроқ 18 ёшли футболчига «Барселона», «Ливерпуль», «Арсенал» ва «Челси» клублари ҳам қизиқиш билдираётгани ҳақида хабар берилганди.

Diario Sport хабарига кўра, Москардонинг «ПСЖ»га ўтиш нархи тахминан 25 миллион еврони ташкил қилади.

Клуб ва футболчи маош борасида келишувга эришган. «ПСЖ»нинг спорт маслаҳатчиси Луиш Кампуш трансферни якунлаш учун Сан-Паулуда бўлгани айтилмоқда - Москардо бўйича келишув яқин орада ёпилиши мумкин.

«Барселона» ҳам ярим ҳимоячини қўлга киритиш бўйича музокаралар олиб борди, аммо якунда «кўк-анорранглилар» «ПСЖ»га қарши курашда мағлуб бўлди.

«Барселона»нинг муваффақиятсизлигига сабаб Декунинг музокара тактикаси бўлиб, якунда боши берк кўчага олиб келди.

2023 йилда ҳимоячи Бразилия олий лигасида 18 та ўйинда майдонга тушди.