"Реал Мадрид" жамоаси таркибни кучайтириш имкониятларини ўрганмоқда.
TodoFichajes нашри хабарига кўра, мадридликлар "Интер" аъзоси Дензел Дюмфрисга кўз тикишган. Нидерландиялик жуда кўп қиррали футболчи - у бутун ўнг қанотда ўйнай олади.
Амалдаги шартнома Дюмфрисни "Интер" билан 2025 йилнинг ўрталарига қадар боғлайди. "Нерадзуррилар" янги шартнома бўйича музокаралар олиб бормоқчи, аммо 27 ёшли футболчи билан музокаралар жараёни қийин кечмоқда.
Дензел Дюмфриснинг бозор қиймати 28-35 миллион еврога баҳоланмоқда. Жорий мавсумда нидерландиялик футболчи 16 та ўйинда майдонга тушиб, иккита гол урди ва шериклари учун 4 та голли узатмани амалга оширди.
