Ўтган ёзда "ПСЖ"га кўчиб ўтган "Барселона"нинг собиқ вингери Усмон Дембеле Каталония клуби раҳбарияти футболчининг шартномасини узайтиришдан бош тортгани учун уни тарк этишга қарор қилди. Бу ҳақда Football Espana нашри хабар бермоқда.
Манба берган хабарга кўра, франциялик футболчи фаолиятини "кўк-анорранглилар" сафида давом эттира олишини кутган. Шу сабабли у "Барселона" унга иш муносабатларини узайтиришни таклиф қилишини кутганди, чунки футболчининг клуб билан амалдаги шартномаси бир йилдан кейин тугаши керак эди. Бироқ футболчининг агенти Муса Сиссоко ва “Барселона”нинг собиқ спорт директори Матеу Алемани Дембеле ўртасидаги зиддият туфайли янги шартнома таклиф қилинмади, кейин эса у Каталония клубини тарк этишга қарор қилди.
Эслатиб ўтамиз, франциялик футболчи 2017 йилдан 2023 йилгача “Барселона” сафида ўйнаган. Бу даврда Дембеле барча мусобақаларда 185 та учрашувда қатнашиб, 40 та гол ва 43 та голли узатмани амалга оширган.
